ياحريم .. إتقوا الله فيينا ..!

[طـيـب الـذكـر]

في ضل الحمله الشرسه من قِبل الزيدي وإلاضطهاد اليومي الي نعانيه ويوم بعد يوم يطلع لنا بقرار ازبد من الثاني .. وآخرها إكتب لك كم موضوع وغيّر يوزرك أبوووك يالمِنّه : المهم مالكم بالطويله وبخلي الموضوع بساطه احمدي واللغه سهالات لاني ادري إنها اقرب وأسهل للمتلقي والي يقرا هالكلام , هو حقيقه موضوع وليد اللحظه ولا خططت له ابد .. فتحت الصفحه وكاني اكتب ! , المرأه هي نقطة ضعف الرجل ولا اقولها وانا منحرج ولا أغضب إن قالي احد هالكلام وهذا موجود ومشاهد .. ومن هذا المُنطلق , انا وغيري من الشباب الزقرت مالهم بأمور الاسواق واللهم لك الحمد الاثر موجود من هالابتعاد والله يديمها .. لكن الآن وصل الامر الى درجة قلة الادب والتعدي علي حتى في مواطن عبادتي ؟! , النبي صلى الله وعليه وسلم ذكر أن خير صلاة المرأه في بيتها ! .. ولا اقول لا تطلعين تصلين بالمسجد , لكن بإحتشاااااااااام .. ياعالم الوحده رايحه تصلي ! وشوله الكحل والكتف الي معطيك تفاصيل التفاصيل ومن البذائه تمشي قدامك ! حتى في مكان عبادتي مانسلم منكم ؟ ياإختي عندك نيه تروحين تصلين ؟ إلبسي عباة تعبر عن ذاتها .. مو عباة كتف وكحل والبلاك ماسكته يمينك وأشياء والله استحي من ذكرها ! , والله إنكم تأثمون على روحتكم للمسجد بالشكل هذا ! .. وين الخير والاجر في طلعتك من البيت في أبهى زينه واتكلم بظاهرها .. والشباب رايحين جايّن ؟ .. مُمكن اقول في الحرم غير شكل والجنسيات والفوارق في التطبيق بيننا يختلف ! , لكن في قعر الرياض والمعلومه والحكم معروف ولا زلنا كل سنه نعاني من هالشئ هذا .. مالي وجه اقول لمره لاتلبسيها بسوق , علطول سؤال عكسي انت وش جابك ؟ لكن في المسجد وعند قارئ مشهور والعالم تتعنّى له .. وجآي والروحانيه فوووول ويحتري رفعه من ابو حيدان ويشهق صياح وبالاخير اجي والقى هالمنظر المُبكي قدامي ! لا ومن اللعانه تقول وخّر لو سمحت عن الطريق لعنبوا حيّك الدنيا زحمه والعالم كلها طالعه من وين اروح جعلك ماتحدّرينه ؟ .. : زبدة الموضوع .. الاجر موجود في الخروج الى المسجد ! مع الافضليه في البيت .. ولا يوجد حُكم شرعي يجبر المرأه الصلاة في البيت ! , لكن إقتران الاجر مُرتبط بالإحتشام .. إتقوا الله فينا ! , عبيد من عبيد الله جآيين لبقعه يُراد بها التعبّد .. ماادري وش الرابط بينها وبين التفصّخ ؟ والله إنكم تأثمون في هالامر وهو عكسي وأستفتوا من هو محل ثقتكم .. وش المشكله تلبسين عباة مُحتشمه مُتستره .. فيه حريم طاقه المداسيس ووالله إني دعيت لها من كل قلبي ! .. لانها تعلم أنه رايحه لمكان عباده وقرنت العباده بالتستر والله يرزقها ماطلعت عشانه هذا والله اعلى واعلم ,

[O.sh]

ماتوا الي يتكلمون عن العباه الي ع الكتف تمنيتك تكلمت عن الاحتشام بغض النظر هي راس والا كتف لانها مو مقياس ! طبعاً هو صدق انا معك بان لازم البنت تكون محتشمه بغض النظر هي رايحه مسجد والا سوق والا غيره , الحشمه واجبه بكل مكان .. لكن مشكلتنا حنا نشوف اي شيء غير تربيتنا حرام وعيب وقلة حياء مع انه بالاصل ما يكون حرام ! لكن انت ماتعودت عليه من اهل بيتك !! الا بسال الحين تقول اتقوا الله فينا على لبسكم ومكياجكم , ليه لهالدرجه يفتنوننك الي لابسين هاللبس ؟ ان كانه ايه اقول بلاك ماشفت خير تارك المتفصخات بالتلفزيون وغيره وجيت على هالفقيرات الي يحطون كحيله ؟ الزبده الله يهدينا ويصلحنا ويصلحكم , ودام بتتكلم على اللبس بالمسجد فانا اقول بعالي الصوت !!!!!! لا تروحون بثوب نوم للمسجد خخخخخ وهاك يا طيب

[M z A j Y H]

عباة تعبر عن ذاتها ؟! اقتباس مو عباة كتف احترم واقدر كثير اللي تلبس عباة الراس دامها مقتنعة فيها بس عباة الكتف ما تخرج عن الحشمة طالما كانت واسعة ومافيها ما خالف شروط الحجاب انه يكون شفاف او فيه تبرج وزينة واذا تبي فتوى ع الطاير بعد ترى العباة كلها مو لازمة ولا هي مفروضة< بلغو ابو متعب بالله وترا مالبسو الحريم العبايات السودا الا يوم قال الشاعر .. قل للمليحة في الخمار الاسود .. قامو الحريم عشان وكانهم المقصودات ب (المليحة=المزيونة) خلو الحجاب اسود ولا تراه بعد مافيه ولا نص شرعي يوجب العباة السودا وبعدين اتقوا الله انتوا وغضو النظر مع ان مافيه امل في بعض الرجال استغفر الله لو هي لابسة خيشة يبحلق سامي يسلمووووو<

[إيمان]

اقتباس المشاركة الأصلية كتبت بواسطة الملحمة الماجدية اسلم يابن عثيمين خخخخخخخخخخخخخخخخخخخخخخخخخخخخ قسم بالله خبل! يعلم الله إن سكوتك مأجور عليه أكثر من حكيك سامي...أو طيّب الذكر مع إني أختلف معك إن عباة الكتف هي رمز لعدم الاحتشام، بس أتفق معك إن لكل مقام مقال.. أتذكر من فترة لما توفت عمتي الله يرحمها كنا رايحين نصلي عليها وشي طبيعي ندخل المغسلة نسلم عليها وندعي لها..وأنا طالعة شفت وحدة تمشي مقبلة علينا وهي متحجبة والعباة مرة مخصرة والأظافر عليها مناكير يـ..وبصراحة تأذيت لأني حسيت إنها ما حرّك قلبها الموت وإنها جاية تتعظّ..والمشكلة طلعت والدموع أربع أربع وتشاهق وشقت صفوف الرجال ولا كأن بالموضوع شي...الله يستر عليها ماراح أقول فيها شي.. خلاصة الموضوع..فيه ناس كثيرين ظاهرهم ما يوحي بالتديّن اللي يجمع عليه المجتمع..تلبس عباة كتف (اللي مافيه دليل شرعي واحد يحرّمها)، يمكن تسمع أغاني بعد..تطول أظافرها..تلبس بنطلون وقصير وميني جيب في جمعات صديقاتها..إلخ..بس إنهم في تجمعاتنا يالحريم يسابقوننا على المصلى إذا أذّن..ويتسننون بعد الصلاة.،يصومون الاثنين والخميس ...والوحدة منهم مصحفها بشنطتها تقرا لها صفحتين إذا اضطرت تنتظر بعيادة والا بنك (وهالشيء برمضان وغير رمضان الله لا يضرهم).. مثل مافيه رجال مطلق اللحية ومشمّر الثوب وهو لعب على بنات المسلمين ومطيّح بمراقص سوريا كل صيفية.. تبقى مسالة غضّ البصر..النظرة الأولى لك..والثانية عليك..يمكن رب العالمين حطك بهالاختبار وأنت رايح تصلّي، هل تكون ممن يغض بصره أم ممن يسعبل وتطقه البوهة أتفهّم إحساسك وأدري إن فيه بنات يبالغون حبتين..وثق إن فيه بعضهم مراهقات أمهاتهم سحبوهم معهم للمسجد إما لأنها ماتبيها تجلس لحالها بالبيت أو تبي تعودها على التراويح..بس أستبعد كثير إنهم يتعمدون التزين للفت انتباه المصلين أو تطييح الشباب البريء النقي موضوعك حلو..كنت ناوية انام بس شكلي ابقعد أحضر الملاجد دوك

[طـيـب الـذكـر]

O.sh .. وش يدرين وش إسمها , الزبده من الهرج هو إنك جايّه للمسجد .. الحركتين الي لابستها وش الداعي لها , ماراح ادخل بمسألة حرمتها ولا راح اناقش فيها .. يبي لها موضوع ثاني , كلامي عن الغايه في جيّت البنت لمكان مقصود به العباده , ماادري وش الرابط بين اللبس هذا والعباده ؟ .. أما مسألة ماتعوّدت وهالكلام , منب ولد بدو مجدوع بالبر ولا اشوف وأقيّم الامور بمنظاري بعيداً عن القياس .. اعرف الطبيعي في اللبس وأعرف الغير طبيعي والغايه منها , مااربط المرأه بلبس مُعيّن .. لها الحق في أي لبس تشوفه , امي وهي امي ماتلبس عباة عالراس ! شي إسمه فراشه مدري وشو الزبده إني مااربط لبس مُعين .. لكن الاكيد أن غاية العباة هي التستّر .. ناهيك إني اتكلم مو عن السوق او الشارع او غيره ! , اتكلم عن جامع يجي له القاصي قبل الداني عانين له وبالاخير اشوف هالمنظر قدّامي مُجبر عليه .. والافضليه هي الصلاة بالبيت , دامك مره ماتعرفين تقيسين مقدار الإحتشام والتستر .. الافضل لك البيت وصلي وأشبكيها مع الفجر محد يبي يمنعك ! .. اقتباس يعني مثلاً الي تفتش نشوفها مسويه منكر مع انه بالاصل فتح الوجهه مو حرام بس حنا مو متعودين عليه اقتباس وكذا وصفت عائشة جلباب المرأة وأنه من رأسها بقولها : كان الركبان يمرون بنا ونحن مع رسول الله صلى الله عليه وسلم محرِمات فإذا حاذوا بنا سدَلت إحدانا جلبابها من رأسها على وجهها فإذا جاوزونا كشفناه . رواه أبو داود ( 1833 ) وابن ماجه ( 2935 ) وقال الألباني : إسناده جيد في مشكاة المصابيح ( 2690 ) . ماراح ارد على التعقيب في هالجزئيه لكن الاكيد عندي البيّنه الشرعيه , وعندي علم نبي نتشعّب .. اقتباس الا بسال الحين تقول اتقوا الله فينا على لبسكم ومكياجكم , ليه لهالدرجه يفتنوننك الي لابسين هاللبس ؟ ان كانه ايه اقول بلاك ماشفت خير تارك المتفصخات بالتلفزيون وغيره وجيت على هالفقيرات الي يحطون كحيله ؟ مشكلتكم مآخذين الامر بعدائيه هو إنتقدنا اورّيك فيه وأجيبها عكسيه عليه , خوذي الفائده إن وِجدت هِنا وإتركي الضديه .. لكن مهيب مشكله نرد عليك ونقول هي جايه لمسجد ؟ وشوله هاللبس ؟

[طـيـب الـذكـر]

إيمان ومزاجيه والمعممين تراي ماأحدد عباة الكتف في هالكلام مدري وش إسمها والله الزبده إن الامر ماهو حول عباة الكتف والشطح الي صاير مدري احس إني مآش ماوصلت الفكره زين

[جنى إبراهيم]

:: يسعد أوقاتك يارب حلو كلامك .. وصادق كثير نشوف هالأشكال الله يهديهم ويهدينا سواء بالسوق او بالبقاله او بالمسجد انت تقول الافضل صلاتها بالبيت وكلامك مضبوط اذا هي ماتحتشم تصلي ببيتها احسن لها ولغيرها .. لكن ترانا نتشفق على الصلاة بالمسجد حنا ماتجينا هالفرصه الا بهالشهر الكريم .. انتو ماشاء الله من عمركم وانتم تروحون للمسجد حنا لما نروح احساسنا غير كننا بالحرم وارجع اقول اذا البنت مو محتشمه وتفتن الرايح والجاي ماله داعي جيتها بس اذا هي تربيتها وحياة اهلها حولها كانت بهالطريقه تقدر تغيرها ؟ صعبه ! برضو مثل ماقالوا فيه ناس تشوفهم وتستنكر افعالهم بس انت ماتدري ايش بينهم وبين ربهم = ) عباة الكتف مو حرام اذا كانت ساتره ومو مبهرجه .. وانا عني نفسي ماراح البس عباة راس عشاني رايحه للمسجد ! انافق نفسي والبس كتف اذا طلعت لمشاويري بس لما اروح للمسجد البس راس ؟ ليه طيب ؟ اذا انا كنت حاشمه نفسي ومحترمه نفسي قدام ربي اولاً والناس ثانياً ماراح تفرق هي راس او كتف انا ما ادري انت ايش الفكره الي ماخذها عن عبايات الكتف او كيف تشوفها بس صدقني فيه عبايات كتف استر من الراس وفيه العكس برضوا موضوعك مو عن العبايات فماودي ابحر فيه كثير وعن سالفة البلاك انا اخذ بلاكي معي .. والسبب انو امي تكون بالبيت لحالها فأخاف يصير لها شي لا سمح الله وتضطر تدق علي ! يعني مو كل البلاكات مُنكر بعضهم لهم اسبابهم انت ماتنلام احنا يا البنات احيانا نشوف مناظر ونسمع عن حاجات تشيب الراس الله يستر ع الجميع يارب .. بس حاول تغض البصر لأنو مابيدك حاجه تسويها عشان تسترهم او اذا ودك بحل يعني لا تطلع اول مايخلصون صلاة من المسجد خذ لك عشر دقايق عقبها او ربع ساعه لما تخف الزحمه بعدها اطلع موضوعك شيق .. الله يستر على شباب وبنات المسلمين يارب ويهدي الجميع لا تنسانا من دعواتك الطيبه ::

[بيـاضّ]

:: الموضوع مثبت لأهميته .. بس رجائا الي بيردون ان الموضوع مايتجه اتجاه ثاني .. والتزمو بطريقة الحوار الهادف .. " هدفنا من هالموضوع اننا نوصل لحل مو نزيد المشكله "نتهاوش بالعربي .!! " " .

[طـيـب الـذكـر]

ليش حذفتوا الرد ؟ خلوها تشوف درعمتها وتضحك على روحها لا صحت مدري من قالها إنك انتي المقصوده ؟ : اتمنى وصلت الصوره المقصوده .. برب نوم ولنا رجعه إن الله احيانا .

[ربتسه]

اقتباس وعن سالفة البلاك انا اخذ بلاكي معي .. والسبب انو امي تكون بالبيت لحالها فأخاف يصير لها شي لا سمح الله وتضطر تدق علي ! يعني مو كل البلاكات مُنكر بعضهم لهم اسبابهم ايه بس تحطه بجيبها بالشنطه مو تقعد ماسكته بيدها . . موضوعك بمحلله + وقته .. انا مع اني بنت الا اني اكره اششوف هالمناظر واكره ماعلي اخواني لما يشوفونها . للي تقول الغطى مو حرام ومدري وش قوله تعالى: { يَاأَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ } + حديث عائشه رضي الله عنها اللي ذكره سامي . . موضوع جميل يعطيك العافية

[شُمُوْخْ]

الله المستعان .. لاااه وانت الصاادق ولازم شنطة كشخة و جزمه كشخة و السااعة بعد لا ماانع والعباية تكوون مافي منهاا و لا يهوون الغطاا كيف تبيها ترووح المسجد ما تتزين !! عيييب يااخي هنااك بتشوف بنات الخلق تبيهم احسن منهاا ..؟ الله يهديك بس حسسره علي من يسلم الشيخ قضبت نقابي مابي احد يعرفني .. والله المسجد حلو و الصلاة فيه تعيشك جو ثااني بس بجد هالمناظر اللي تتكلم عنها للاسف تفسد مكانة المسجد .. نحن في زمان القابض على دينه كالقابض على الجمر .. صار نادر تلقى احد ممكن يستنكر هالشي او يعتبره منكر ولابد من تغييره ! صار الامر و بالمعروف و النهي عن المنكر عيب و حتى لو جيت و غيرته ماسوت عليك كلمة و كأنك أنت من يقوم بالمنكر .. الله يثبتنا على دينه الثابت موضوع جميل

[سارا]

الله يهدينا ويهديهم اذكر مره صار كذا وجلس الامام يتكلم عن هالموضوع ماشاءالله من القيام الثاني والكل منتبه لـ هالموضوع والحمد الله فيه استجابه المبداء مبداء فذكر ان الذكرى تنفع المؤمنين .. دايم نحتاج للتذكير الله يرزقك الجنه ياسامي

[Aroma]

سلااام .. احسكم وحشتوني واحسني وحشتكم صح < اطلعي برا اول شي تعقيب على رد الاخت الفاضله حبيبة البي حلم بـ خصوص التحليل والتحريـم قال تعالى ( ولا تقولوا لما تصف ألسنتكم الكذب هذا حلل وهذا حرام لتفتروا على الله الكذب إن الذين يفترون على الله الكذب لايفلحون ** متاع قليل ولهم عذاب اليـم ) سورة النحل اية (115).( 116) الايـة واضحه ومفهومة مايحتاج شرح ثاني شي : بخصوص صلاة البنت في البيت افضل لها هذا صحيح لان اجرها بالبيت اكثـر من اجرها بالمسجد ( السبب ) اتوقع والله اعلم بـ ان الفتاه ممكن انها تسبب فتنة لضعاف النفوس بدون قصد عند ذهابها للمسجد بـس خنت حيلي البنت نفسها طاقتن تبي تصلي بالمسجد كل ابو دايـم وفرصتها بـ رمضـان تبون تحرمونها اي نرجع لنصيحتك التي اشبه بالهواش وغسل الشراع لو نقولب بـ كلأمك وناخذ منه الزبده والمضمون والقصد فـ كلامك صحيح 100 % مع اني ماشفت شكل العباية اللي تقصدها بس كني فهمتها .. قصدك العباة المزركشه اللي ترهش ترهش ولمعه ومخصره كنها فستان والله انها لفتنه هـذه العباة المزركشه والله اني ابحلق بحلقه لاشفت بنت ترهش ترهش من بعيد فـما بالك الرجل كييف بشوفها والله لينبطح ويتكي على يدينه ويقوطر سعبولات وععع ميير الله يصلح الحال وانا اختك .. ويهديـهم يعني بدل ما تروح تتعبد ترجع محمله بذنوب لانها فتنت رجل او اكثر بـ زينتها ولا اله الا الله شكنت بقول ايـه لاتسـئ الظن بالبنت اللي شفتها يمكن كانت جايه من زواره وكذا بـ طريقها للبيت مرت المسجد تصلي عشان كذا كانت حاطه كحل .؟ ايي بخصوص الجوال بالمسجد .. والله اني اقفل على جوالي بالدولاب واطس للمسجد اخاف ينسرق جد صاير في سرقات بالمساجد مو من الكبار من الأطفال هالنزغيـن يسررق جوالك من جنبك مايمديك تسلم الا داااز داق الطبلون على 120ماتدري وين راح سامي .... جزك الله خير

[الملحمة الماجدية]

اقتباس " هدفنا من هالموضوع اننا نوصل لحل مو نزيد المشكله "نتهاوش بالعربي .!! " " ياخي احسدتس على الموهبة اللي وهبها لتس الله شلون عرفتي من ردي اللي حذفتيه اني ابي مهاوش ؟ والله قفطتس اليمه وش ساهر عندتس حتى الحذف ماعاقت معتس !! لعد تفتحين النت من بعد الفجر ويازين الصوم وانتي راقده بذا الوقت ابو احمد ماعليك تراني مشبهك في ابن عثيمين الله يرحمه من زود حبك لامهات المسلمين, عاد انت تدري انها طقطقه راس موب سب حسب تقرير ساهر العوايل

[O.sh]

^ ههههههههههههههههههههههههههههههههه شموخ = والله انك صادقه , الواحد ماوده ينصح لان ماعاد اي احد يتقبل النصح , وبيني وبينك طبيعي ماراح يتقبلون النصيحه اذا كان طريقه نصحنا لهم مثل الاخ سامي .. ربتسه = ماهوب موضوعنا ذا + تفسير هالايه اختلف فيه + كل مذهب غير !! اروما = ما حللت وحرمت من كيفي يا بعدي وارجع اقول هذا موب موضوعنا .. ذكرتوني بالمثل الي يقول , يتركون اللّب ويروحون للقشور .